Allama Iqbal Famous Poetry In Urdu | Love & Sad Shayari,Nazam,Ghazal

Allama Iqbal Famous Poetry In Urdu | Love & Sad Shayari, Nazam, Ghazal:

Allama Iqbal does not need any introduction. He is, in fact, almost every well-known poet, philosopher, barrister and scholar of every era. In 1922, Allama Iqbal received the name “Sir” from King George VI. They also name the offer as ‘doctor’ and ‘symptom’. Allama Iqbal was a poet of Urdu, Hindi, Persian, Roman Urdu, English literature. We offer the best collection of Allama Iqbal famous poetry in Urdu.

Allama Iqbal poetry in Urdu love SMS: 

Woh Dana-e Subul Khatam ur Rusul Mola-e Kul Jis Ne
Ghubar-e Rah Ko Baksha Firogh-e Wadi e Sena

Nigah Ishq O Masti Mein Wohi Awal Wohi Aakhir
Wohi Quran, Wohi Furqan, Wohi Yaseen, Wohi Taha

Jamhoriat Ik Tarz-e Hakomat Hai Ke Jis Mein
Bandon Ko Gina Karte Hain Tola Nahi Karte

Dhondta phirta hoon ay iqbal apnay ap ko
Ap hi goya musafar ap hi manzal hoon main

Yeh Faizan-e-Nazar Tha Ya Ke Maktab Ki Karamat Thi
Sikhaye Kis Ne ‘Ismaeel (A.S)’ Ko Adaab-e-Farzandagi

Qooat-e-Ishq Se Har Past ko Bala Kar De,
Dehar Me Ism-e-Muhammad (S.A.W) Ko Ujala Kar De…

majnun ne shahr chhoDa to sahra bhi chhoD de
nazzare ki hawas ho to laila bhi chhoD de

waiz kamal-e-tark se milti hai yan murad
duniya jo chhoD di hai to uqba bhi chhoD de

taqlid ki rawish se to behtar hai KHud-kushi
rasta bhi DhunD KHizr ka sauda bhi chhoD de

manind-e-KHama teri zaban par hai harf-e-ghair
begana shai pe nazish-e-beja bhi chhoD de

lutf-e-kalam kya jo na ho dil mein dard-e-ishq
bismil nahin hai tu to taDapna bhi chhoD de

shabnam ki tarah phulon pe ro aur chaman se chal
is bagh mein qayam ka sauda bhi chhoD de

Allama Iqbal ki Shayari In Urdu:

hai aashiqi mein rasm alag sab se baiThna
but-KHana bhi haram bhi kalisa bhi chhoD de

sauda-gari nahin ye ibaadat KHuda ki hai
ai be-KHabar jaza ki tamanna bhi chhoD de

achchha hai dil ke sath rahe pasban-e-aql
lekin kabhi kabhi ise tanha bhi chhoD de

jina wo kya jo ho nafas-e-ghair par madar
shohrat ki zindagi ka bharosa bhi chhoD de

shoKHi si hai sawal-e-mukarrar mein ai kalim
shart-e-raza ye hai ki taqaza bhi chhoD de

waiz subut lae jo mai ke jawaz mein
‘iqbaal’ ko ye zid hai ki pina bhi chhoD de

Han Dikha De Ae Tasuwar Phir Wo Subah Sham Tu
Dor Peche Ki Taraf Ae Gardish-E Ayam Tu

maktabon mein kahin ranai-e-afkar bhi hai
KHanqahon mein kahin lazzat-e-asrar bhi hai

manzil-e-rah-rawan dur bhi dushwar bhi hai
koi is qafile mein qafila-salar bhi hai

baDh ke KHaibar se hai ye marka-e-din-o-watan
is zamane mein koi haidar-e-karrar bhi hai

ilm ki had se pare banda-e-momin ke liye
lazzat-e-shauq bhi hai nemat-e-didar bhi hai

pir-e-mai-KHana ye kahta hai ki aiwan-e-farang
sust-buniyaad bhi hai aaina-diwar bhi hai

Bhari Bazam Mein Raaz Ki Baat Keh Di
Bara Be-Adab Hun Saza Chahta Hun

mata-e-be-baha hai dard-o-soz-e-arzumandi
maqam-e-bandagi de kar na lun shan-e-KHudawandi

tere aazad bandon ki na ye duniya na wo duniya
yahan marne ki pabandi wahan jine ki pabandi

hijab iksir hai aawara-e-ku-e-mohabbat ko
meri aatish ko bhaDkati hai teri der-paiwandi

guzar-auqat kar leta hai ye koh o bayaban mein
ki shahin ke liye zillat hai kar-e-ashiyan-bandi

ye faizan-e-nazar tha ya ki maktab ki karamat thi
sikhae kis ne ismail ko aadab-e-farzandi

ziyarat-gah-e-ahl-e-azm-o-himmat hai lahad meri
ki KHak-e-rah ko main ne bataya raaz-e-alwandi

meri mashshatgi ki kya zarurat husn-e-mani ko
ki fitrat KHud-ba-KHud karti hai lale ki hina-bandi

Poetry In Urdu For Youth:

Allama Iqbal Poetry In Urdu For Youth:

mir-e-sipah na-saza lashkariyan shikasta saf
aah wo tir-e-nim-kash jis ka na ho koi hadaf

tere muhit mein kahin gauhar-e-zindagi nahin
DhunD chuka main mauj mauj dekh chuka sadaf sadaf

ishq-e-butan se hath uTha apni KHudi mein Dub ja
naqsh o nigar-e-dair mein KHun-e-jigar na kar talaf

khol ke kya bayan karun sirr-e-maqam-e-marg o ishq
ishq hai marg-e-ba-sharaf marg hayat-e-be-sharaf

sohbat-e-pir-e-rum se mujh pe hua ye raaz fash
lakh hakim sar-ba-jeb ek kalim sar-ba-kaf

misl-e-kalim ho agar marka aazma koi
ab bhi daraKHt-e-tur se aati hai bang-e-la-taKHaf

KHira na kar saka mujhe jalwa-e-danish-e-farang
surma hai meri aankh ka KHak-e-madina-o-najaf

Anokhi Waza Hai Saaray Zamane Se Nirale Hain
Yeh Aashiq Kon Si Bastii Ke Yarab Rehne Walay Hain

Ilaaj Dard Mein Bhi Dard Ki Lazzat Pay Mrta Hon
Jo They Chhaalon Mein Kantay Noke Sozen Se Nikalay Hain

Phula Phoola Rahay Yarab Chaman Meri Umedon Ka
Jigar Ka Khoon Day Day Kar Yeh Botay Mein Ne Paley Hain

Rulati Hai Mujhe Raton Ko Khamoshi Sitaron Ki
Nirala Ishhq Hai Mera Nirale Mere Naalay Hain

Nah Pucho Mujh Se Lazzat Khanman Barbaad Rehne Ki
Nashiman Secron Mein Ne Bana Kar Phoonk Daaley Hain

Nahi Beygangi Achi Rafeeq Raah Manzil Se
Thehr Ja Ae Sharer Hum Bhi To Aakhir Mitne Walay Hain

Umeed Hoor Ne Sab Kuch Sikha Rakha Hai Waiz Ko
Yeh Hazrat Dekhnay Mein Seedhay Sadhe Bhoolay Bhaale Hain

Maray Ashaar Ae Iqbal Kyun Pyare Nah Hon Mujh Ko
Maray Tootay Hue Dil Ke Yeh Drdangiz Naalay Hain

La Phir Ik Bar Wohi Bada O Jam Aye Saqi
Hath A Jaye Muje Mera Muqam Aye Saqi

Teen So Saal Se Hain Hind Ke Mekhane Band
Ab Munasib Hai Tera Faiz Ho Aam Saqi

sad poetry in Urdu:

Allama Iqbal sad poetry in Urdu

Shair Mardon Se Hwa Besha-e Tahqeeq Tahi
Reh Gaye Sufi O Mula Ke Ghulam Aye Saqi

Ishq Ki Taigh Jigar Dar Ura Li Kis Ne
Ilm Ke Ham Mein Khali Hai Nayam Aye Saqi

Sena Roshan Ho Tu Hai Soz Sukhan Ain Hayat
Ho Na Roshan, Tu Sukhan Marg Dawam Aye Saqi

Tu Meri Raat Ko Mehtab Se Mehroom Na Rakh
Tere Pemane Mein Hai Mah Tmam Aye Saqi

Tere Ishq Ki Inteha Chahta Hoon
Meri Sadgi Dekh Kya Chahta Hoon

Sitam Ho Ke Ho Wa’ada Be Hajabi
Koi Baat Sabar Aazma Chahta Hoon

Ye Jannat Mubarak Rahe Zahidon Ko
Keh Mein Aap Ka Samna Chahta Hoon

Zara Sa Tu Dil Hun, Mgar Shokh Itna
Wohi Lan Tarani Suna Chahta Hoon

Koi Dam Ka Mehman Hun Ae Ihl-e Mehfil
Chiragh Sahar Hun, Bhuja Chahta Hoon

Bhari Bazm Mein Raaz Ki Baat Keh Di
Bara Be Adab Hun, Saza Chahta Hoon

Sitaron Se Aage Jahan Aur Bi Hain
Abi Ishq Ke Imtihan Aur Bi Hain

Tahi Zindagi Se Nahi Ye Fazain
Yahan Sainkron Imtihan Aur Bi Hain

Qanayat Na Kar Aalm-e Rang-o Bo Par
Chaman Aur Bi Aashyan Aur Bi Hain

Agar Kho Gya Ik Nasheman Tu Kya Gham
Muqamat-e Aah O Faghan Aur Bi Hain

Tu Shaheen Hai Parwaz Hai Kaam Tera
Tere Samne Asman Aur Bi Hain

Isi Roz O Shab Main Ulaj Kar Na Reh Ja
Ke Tere Zaman-o Makan Aur Bi Hain

Gye Din Ke Tanha Tha Mai Anjuman Mein
Yahan Ab Mere Raazdan Aur Bi Hain

Allama Iqbal famous poetry in Urdu. For Whatsapp,Facebook,

Leave a Reply

Your email address will not be published. Required fields are marked *